15:47, Saturday, 07.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რა ხდება ცესკოს შენობის უკან?!

01.10.2012
ცენტრალური საარჩევნო კომისიის თავმჯდომარე ზურაბ ხარატიშვილს ცესკოს შენობის უკან არსებულ გზასა და შენობის შესახებ ინფორმაცია არ აქვს , - ამის შესახებ ზურაბ ხარატიშვილმა გუშინ საღამოს გამართულ ბრიფინგზე განაცხადა.

მისი თქმით, გზის და შენობის შესახებ პირველად ინფორმაცია სწორედ ბრიფინგის დაწყებამდე ჟურნალისტებისგან და „ქართული ოცნების“ ლიდერებისგან გაიგო.

ხარატიშვილის განმარტებით, ის, რაც ცესკოს ტერიტორიაზეა, სრულ წესრიგშია, ხოლო რა ხდება მიმდებარედ, ეს მან არ იცის.

კოალიცია „ქართულმა ოცნებამ“ ცენტრალურ საარჩევნო კომისიასთან მისასვლელ ახალ გზას მიაგნო და ამ ფაქტის საეჭვო გარემოებებზე საუბრობს. ამასთან დაკავშირებით კოალიციის ლიდერები დავით საგანელიძე, გოგი თოფაძე, ზვიად ძიძიგური და ზურაბ ტყემალაძე 30 სექტემბერს ცესკოს შენობასთან მივიდნენ. მათ ცესკოს შენობის უკანა მხარეს ჟურნალისტები მიიყვანეს.

საგანელიძის ინფორმაციით, ცესკოს შენობის უკანა მხარეს, ერთ-ერთი კერძო მესაკუთრის ეზოდან გაიჭრა ბეტონის ღობე და იქ არსებული ძველი შენობა, რომელიც სავარაუდოდ, მერიის ბალანსზეა, ამ დროისთვის სუფთავდება და ამ გზიდან შემდეგ არის შესასვლელი სიების დაზუსტების კომისიის მხარეს, საიდანაც, საგანელიძის ინფორმაციით, ოთახებით შესაძლებელია ცესკოს შენობაში გადასვლა.

როგორც საგანელიძე აცხადებს, არსებობს ორი ვერსია, თუ რატომ აკეთებს ამას ხელისუფლება. „ეს ხელისუფლება ბევრ სისაძაგლეს აპირებს. ჩვენ ბევრი გვინახავს ასეთი. დაწყებული ყუთების შეცვლით, როდესაც წინასწარ ჰქონდათ ჩაყრილი ბიულეტენები და ცვლიდნენ ყუთებს. არ არის გამორიცხული, ახლაც იგივეს გეგმავდნენ. ამ მხრიდან ამას ვერავინ დაინახავს, ცენტრალურ შესასვლელთან კი ასეთ რამეს ვერ განახორციელებენ“, - აღნიშნა საგანელიძემ. მისივე თქმით, არსებობს მეორე ვერსიაც, რომ ამ მიტოვებულ შენობაში შესაძლოა, სპეცრაზმი განათავსონ.

ზვიად ძიძიგურის თქმით კი, კოალიციის წარმომადგენლები ხვალ ამ ტერიტორიას მეთვალყურეობას გაუწევენ, რათა არ მოხდეს გაყალბების ხელშეწყობა. „მეთვალყურეობა დაწესდება! ჩვენ ყველაფერზე მოგვდის ინფორმაცია. როგორც საცერში წყალი, ისე გამოდის „ნაციონალური მოძრაობის“ შტაბებიდან ინფორმაცია. ეს ინფორმაციაც სწორედ მათი შტაბიდან გაგვაგებინეს“, - განაცხადა ზვიად ძიძიგურმა.

ამ დროისთვის ცესკოს უკან მდებარე მიტოვებულ შენობას დასუფთავების სამსახურის თანამშრომლები ალაგებენ, თუმცა, მათ ჟურნალისტებთან საუბარი არ ისურვეს. მათ მხოლოდ ის აღნიშნეს, რომ არიან მერიიდან და დალაგება ერთი დღეა რაც დაიწყეს.

ინტერპრენიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC