23:34, Wednesday, 11.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„კავკასუს ონლაინის“ ხელმძღვანელობას ბოჭკოვან ქსელში სპეციალური აპარატურის დადგმას სთხოვდნენ

12.11.2012
„კავკასუს ონლაინის“ ხელმძღვანელობას ბოჭკოვან ქსელში სპეციალური აპარატურის დადგმას სთხოვდნენ, რომლითაც იმეილების და ინტერნეტ ინფორმაციის გაკონტროლებასა და კოპირებას შესძლებდნენ.

ამის შესახებ ითქვა ინტერნეტ-გამოცემა for.ge-ს ოფისში გამართულ პრესკოფერენციაზე, სადაც „კავკასუს ონლაინის“ ყოფილი დამფუძნებელი მამია სანადირაძე კომპანიის იძულებითი გასხვისების ფაქტის გამოძიებას და დამნაშავეთა დასჯას აუცილებლობაზე საუბრობდა.

მამია სანადირაძემ აღნიშნა, რომ იძულებული იყო, 2000 წელს მის მიერ დაფუძნებული კომპანია 2010 წლის მარტში „ჯიემსი ჯგუფზე“ 50%-იანი წილით გაესხვისებინა. იგი კომპანიაში სულ წილის 80%-ს ფლობდა. აღნიშნულის მიზეზად სანადირაძე 2009 წლის სექტემბრიდან დეკემბრის ჩათვლით განხორციელებულ ზეწოლებს და დაჯარიმებებს ასახელებს. კერძოდ, კომპანია ოთხჯერ 660 000 ლარით დაჯარიმდა. ასევე სანადირაძე დაადანაშაულეს ინტერნეტის იაფად გაყიდვაში, რის გამოც ბიუჯეტის სასარგებლოდ 11 მილიონი ლარი უნდა გადაეხადა და ამ ჯარიმით მას საგადასახადო სიტყვიერად დაემუქრა.

სანადირაძემ აღნიშნა, რომ „ჯიემსი ჯგუფთან“ გასხვისების ხელშეკრულების გაფორმების შემდეგ კომპანიაზე ზეწოლა მოიხსნა.

სანადირაძე გასხვისების ხელშეკრულების დეტალებს არ აკონკრეტებს და ამბობს, რომ იგი კომერციული საიდუმლოებაა. ასევე ამბობს, რომ მათ აქვთ დოკუმენტური მასალა, თუ როგორ ჭრიდნენ მათი კომპანიის ბოჭკოვან კაბალებს მუნიციპალიტეტის ზედამხედველობის სამსახურის წარმომადგენლები, ასევე კრიმინალური პირები. ისინი ამ ფაქტების შესახებ ინფორმირებას პატრულთან ახდენდნენ, მაგრამ პოლიცია ამ ფაქტზე ზემოქმედებას არ ახდენდა.

მისივე განცხადებით, კომპანიაზე ზეწოლა 2009 წლის გაზაფხულის შემდეგ დაიწყო, როცა მათთან შსს-ს წარმომადგენელი, ვინმე ბორია მანტიჩაშვილი მივიდა და კომპანიის ბოჭკოვან ქსელში სპეციალური აპარატურის დადგმა მოსთხოვა, რითაც იმეილების და ინტერნეტ ინფორმაციის გაკონტროლება და კოპირება უნდა მომხდარიყო. უარის შემდეგ აღნიშნულის გამო კომპანიაზე ზეწოლები დაიწყო.

„კავკასუს ონლაინის“ ყოფილი მფლობელის განცხადებით, უახლოეს დღეებში განცხადებას შეიტანს პროკურატურაში და შს სამინისტროში მას შემდეგ, რაც იქ ახალი ხელმძღვანელი პირები დაინიშნებიან და სისხლის სამართლის საქმის აღძვრას მოითხოვს, კერძოდ ორგანიზებული დანაშაულის ფაქტის გამოძიებას, დამნაშავეთა დასჯას, რომელთა მეშვეობითაც კომპანიის ნგრევა და იძულებითი გასხვისება მოხდა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC