13:38, Sunday, 07.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შინაგან საქმეთა სამინისტრო „კახეთის საინფორმაციო ცენტრის” ადმინისტრაციულ საჩივარს განიხილავს

26.02.2013
 
დღეს, 26 თებერვალს შინაგან საქმეთა სამინისტროში გაიმართება „კახეთის საინფორმაციო ცენტრის” ადმინისტრაციული საჩივრის ზეპირი მოსმენა. 

5 თებერვალს „კახეთის საინფორმაციო ცენტრმა” ადმინისტრაციული საჩივრით მიმართა შინაგან საქმეთა მინისტრს, ირაკლი ღარიბაშვილს. ცენტრი ითხოვს, რომ მინისტრმა საპატრულო პოლიციის დეპარტამენტის კახეთის სამმართველოს საჯარო ინფორმაციის ხელმისაწვდომობის უზრუნველყოფაზე პასუხისმგებელ პირს საჯარო ინფორმაციის დაუყოვნებლივ გაცემა დაავალოს.

„კახეთის საინფორმაციო ცენტრის” ცნობით, 23 იანვარს, მან განცხადებით მიმართა საპატრულო პოლიციის დეპარტამენტის კახეთის სამმართველოს საჯარო ინფორმაციის ხელმისაწვდომობის უზრუნველყოფაზე პასუხისმგებელ პირს და მოითხოვა მისთვის ინფორმაციის მიწოდება 2012 წლის 1 ოქტომბრიდან სამმართველოში დანიშნული თანამდებობის პირების შესახებ - მათი ვინაობა, პოზიცია, თანამდებობაზე დანიშვნის დრო და ბიოგრაფიული მონაცემები. 

„კახეთის საინფორმაციო ცენტრს” აგრეთვე აინტერესებდა სამმართველოდან საკუთარი განცხადების საფუძველზე განთავისუფლებულ თანამშრომელთა რაოდენობის შესახებ ინფორმაცია, თითოეული მათგანის ვინაობა, განცხადების დაწერის და სამსახურიდან გათავისუფლების დროის მითითებით; სამმართველოდან ხელმძღვანელობის მიერ გათავისუფლებულ თანამშრომელთა რაოდენობის შესახებ ინფორმაცია თითოეული მათგანის ვინაობის, თანამდებობის, სამსახურიდან გათავისუფლების დროის მითითებით; საპატრულო პოლიციის დეპარტამენტის კახეთის სამმართველოში 2012 წლის 1 იანვრიდან 31 დეკემბრის ჩათვლით დასაქმებული თანამშრომლების სია, გვარის, სახელის, თანამდებობის, დანიშვნისა და გათავისუფლების დროის და საფუძვლის მითითებით.

კახეთის საინფორმაციო ცენტრი ასევე ითხოვდა პატრულ – ინსპექტორის ზვიად ცნობილაძის შესახებ ინფორმაციას, კერძოდ, საპატრულო პოლიციიდან მისი გათავისუფლების შესახებ ბრძანების, სამსახურებრივი მოკვლევის დოკუმენტის და შემდეგ თანამდებობაზე დანიშვნის ბრძანების ასლებს.

2013 წლის 30 იანვარს, საპატრულო პოლიციის კახეთის სამმართველოს უფროსმა დიმიტრი მაისურაძემ კახეთის საინფორმაციო ცენტრს აცნობა, რომ განცხადება საჯარო ინფორმაციის მოთხოვნის შესახებ შემდგომი რეაგირებისათვის გადაეგზავნა შსს საპატრულო პოლიციის დეპარტამენტის დირექტორს, დავით ცინარიძეს.

თამარ ფარადაშვილი, www.media.ge
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC