07:20, Wednesday, 08.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახეთში ოპოზიცია საჯარო მოხელეთა კონკურსის მესამე ეტაპს საეჭვოდ მიიჩნევს

23.12.2014

 
ლელა ხეჩოშვილი, კახეთი

კახეთის მუნიციპალიტეტების აღმასრულებელ ორგანოთა სისტემაში საჯარო მოხელეთა ვაკანტური თანამდებობის დასაკავებლად კონკურსი 18 დეკემბრიდან დაიწყება. როგორც გურჯაანის მუნიციპალიტეტის იურიდიული სამსახურის უფროსმა, ნანა ჭაბუკაძემ განაცხადა, გურჯაანის მუნიციპალიტეტში უკვე დასრულდა კონკურსანტთა დარეგისტრირება და განცხადებების ფორმების შევსება. 

გურჯაანის მუნიციპალიტეტის გამგეობამ და საკრებულომ 152 ვაკანტურ თანამდებობაზე კონკურსი გამოაცხადა. აქედან 137 ადგილი გამგეობაშია, ხოლო 15 - საკრებულოში. 152 ვაკანტურ ადგილზე 1179 განცხადება შევიდა. ამჯერად საბუთების გადარჩევა მიმდინარეობს. ერთ ვაკანსიაზე 7–8 კონკურსანტი იბრძოლებს. შემდგომ ეტაპზე ჩატარდება ტესტირება, რომელიც 18 დეკემბრიდან დაიწყება. ტესტირებას რამდენიმე დღე დასჭირდება. შედეგების მიხედვით გაირკვევა, ვინ გაივლის გასაუბრებას.

გარდა განსაზღვრული ვაკანსიებისა, გურჯაანის მუნიციპალიტეტის საკრებულოსა და გამგეობაში ხელშეკრულების საფუძველზეც დასაქმდებიან და დაახლოებით 16 თანამშრომელი კიდევ დაემატება საჯარო სამსახურს. 

„ჩვენ იუსტიციის სასწავლო ცენტრთან გვაქვს ხელშეკრულება. შედეგები მათ ვებგვერდზე გამოქვეყნდება. ტესტირება,  სავარაუდოდ, წელს უნდა დამთავრდეს. კონკურსში გამსვლელთა შესარჩევი კომისია ისეთი კომპეტენტური პირებითაა დაკომპლექტებული, რომ შერჩევა ობიექტურად მოხდება და კვალიფიციური კადრებით შეივსება შტატები, რაც ამ კონკურსის მიზანია“, - განუცხადა ადამიანის უფლებათა ცენტრს გურჯაანის მუნიციპალიტეტის ადმინისტრაციული სამსახურის უფროსმა ნატო მამუკაშვილმა 

ოპოზიციას კი კომისიების კომპეტენტურობაში ეჭვი ეპარება. „ახალი მემარჯვენეების“ თელავის რაიონული ორგანიზაციის თავმჯდომარის, საკრებულოს დეპუტატ ნიკა ვარდოშვილის თქმით, საკრებულოში ექვსი ოპოზიციონერი დეპუტატიდან კომისიაში არც ერთი არ შეუყვანიათ. 

„ქვეყანაში  საჯარო სამსახურში პირდაპირ დანიშვნით რომ არ ხდება თანამშრომელთა მიღება და ინიშნებიან არჩევითი წესით, ეს ძალიან კარგია. თუმცა, კონკურსანტებმა 51%–იანი ბარიერი რომ უნდა გადალახონ, ეს კონკურსის ხარისხზე იმოქმედებს, რადგან ბარიერი ძალიან დაბალია და  მის გადალახვას კონკურსანტების 80–90% მოახერხებს. ვფიქრობ, კარგი იქნებოდა, ბარიერი აწეულიყო. მუნიციპალიტეტების თვითმმართველობებში კომისია გადაწყვეტს, ვინ აიყვანონ საჯარო სამსახურში.  ძალიან საინტერესოა გასაუბრება, ანუ მესამე ეტაპი – აქ არის ყველაზე მეტად საჭირო კონტროლი, რადგან გადაწყვეტილების მქონე პირებს აქ შეუძლიათ, ბარიერგადალახული კონკურსანტები თავისი სუბიექტური მოსაზრებების მიხედვით შეარჩიონ“, - აღნიშნა სამოქალაქო გაერთიანება „ევროპული დემოკრატიისთვის“ თავმჯდომარემ, გიორგი მოსიაშვილმა. 

კონკურსს კახეთის ყველა მუნიციპალიტეტის გამგეობა და საკრებულო აცხადებდა. საბუთების მიღების ვადა ზოგან უკვე ამოიწურა, ზოგან კი ორ დღეს კიდევ გაგრძელდება.

„საერთაშორისო გამჭვირვალობა – საქართველოს“ ინფორმაციით, ადგილობრივ თვითმმართველობებში შტატები 2416 ერთეულით, ანუ 24%–ით  იზრდება. აღნიშნული ცვლილება კი სახელმწიფოსთვის ყოველწლიურად, მხოლოდ ხელფასის სახით, 17 მილიონი ლარით მეტ დანახარჯს გამოიწვევს. 

ვაკანტურ თანამდებობებზე კონკურსს ასევე ყველა მუნიციპალიტეტის მერია აცხადებს. თელავის მუნიციპალიტეტის მერიამ უკვე 66 ვაკანტურ თანამდებობაზე გამოაცხადა კონკურსი. ტესტირება 27–28 დეკემბერს ჩატარდება.

კონკურსის ჩატარების საფუძველია საქართველოს საჯარო სამსახურის ბიუროს უფროსის ეკატერინე ქარდავს მიერ 2014 წლის 10 სექტემბერს გაცემული ბრძანება „ადგილობრივი თვითმმართველობის მოხელის ვაკანტური თანამდებობის დასაკავებლად“. 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC