09:53, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში საზოგადოებრივი ტრანსპორტზე ფასმა მოიმატა

05.02.2017

 
ლადო ბიჭაშვილი, შიდა ქართლი

ქალაქ გორში კერძო ტაქსების კომპანიებმა ტრანსპორტის მომსახურების ღირებულება გაზარდეს. მინიმალური სამგზავრო ტარიფი, რომელიც ერთ ლარს შეადგენდა, ლარ-ნახევარი გახდა. კომპანიებში ტარიფის ზრდას საწვავის გაძვირებას უკავშირებენ, რომელიც თავის მხრივ, მთავრობის დადგენილებით, ნავთობპროდუქტებზე აქციზის გადასახადის გაძვირებამ გამოიწვია.

გორში ტაქსების შემდეგ მგზავრობის ღირებულება საზოგადოებრივ ტრანსპორტზეც გაიზარდა. ქ. გორს შპს ,,გორი-ტრანსის",  გორის მუნიციპალიტეტის სოფლებს კი ,,ფოკუსს ორი-შვიდიანის" სამარშუტო ტაქსები ემსახურება. კომპანიები მგზავრობის ღირებულების ზრდას იმ ეკონომიკურ რყევებს უკავშირებენ, რომელიც ლარის კურსის ვარდნით დაიწყო და საწვავზე ფასის ზრდით გაგრძელდა.
„კომპანიებს ავტომანქანების ტექნიკურად გამართვა უფრო ძვირი უჯდება. გაძვირდა საწვავიც. შესაბამისად, ძველი ტარიფიც ვეღარ შენარჩუნდებოდა“, - განაცხადა კომპანია „ფოკუსს ორი -შვიდიანის“ დირექტორმა, ზურაბ ჭეჭელაშვილმა.

სამარშუტო ტაქსების მძღოლების განცხადებით,  იმ შემთხვევაში თუ მგზავრობის ღირებულება არ გაიზრდებოდა, მუშაობას ვეღარ შეძლებდნენ.

„ხარჯები გაიზარდა, ჩვენ კი წაგებაზე ვერ ვიმუშავებდით, ან ღირებულება უნდა გაგვეზარდა, ან აღარ გვემუშავა“, - აღნიშნა საზოგადოებრივი ტრანსპორტის მძღოლმა გოჩა ცარიელაშვილმა.

საზოგადოებრივი ტრანსპორტით მოსარგებლე მოქალაქეები აღნიშნავენ, რომ მგზავრობის ღირებულების გაზრდა მათ სოციალურ მდგომარეობას კიდევ უფრო დაამძიმებს.

ეკონომიკის ექსპერტი თამარ ედიშერაშვილი humanrights.ge-სთან საუბარში აღნიშნავს, რომ მგზავრობის ღირებულების გაზრდა მთავრობის ეკონომიკურმა პოლიტიკამ, ნავთობპროდუქტებზე აქციზის გადასახადის გაზრდამ და დოლარის კურსმა გამოიწვია. 

„როდესაც მეწარმეს საქონელი უცხოურ ვალუტაში შემოაქვს და ადგილზე რეალიზაციას ლარში ახდენს, რყევები აისახება ფასზეც. ამას ემატება საწვავზე აქციზის გადასახადი, რაც არათუ იმპორტს, ადგილზე ნაწარმოებ პროდუქციასაც კი აძვირებს, რადგან ტრანსპორტირება შედის პროდუქციის თვითღირებულებაში, რაც საბოლოოდ სარეალიზაციო ფასში აისახება. ვინაიდან აქციზის გადასახადი, სავარაუდოდ, არ გაუქმდება, ერთადერთი გზა დარჩა ვალუტის კურსის სტაბილურობა, რაც მხოლოდ ეკონომიკის ზრდას შეუძლია”, - აღნიშნა ედიშერაშვილმა.

ქ. გორის მერიასა და გორის მუნიციპალიტეტის გამგეობაში განმარტავენ, რომ მუნიციპალური ტრანსპორტი არ აქვთ და კერძო კომპანიებს ფასის რეგულაციას თვითმმართველობა ვერ დაუწესებს. 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC