11:10, Friday, 24.03.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ეროვნული უშიშროების საბჭოს მდივანი საოკუპაციო ხაზთან იმყოფებოდა

18.03.2017

 
ლადო ბიჭაშვილი, შიდა ქართლი

„ეს არის ისტორიული უსამართლობა” - ეს განცხადება ეროვნული უშიშროების საბჭოს მდივანმა 15 მარტს საოკუპაციო ხაზთან მდებარე სოფელ ხურვალეთში გააკეთა. დავით რაქვიაშვილმა საოკუპაციო ხაზთან არსებული მდგომარეობის შესახებ ინფორმაცია ადგილობრივი მოსახლეობისგან და გორის მუნიციპალიტეტის გამგეობის წარმომადგენლებისგან მიიღო.

,,ეს არის სახე იმ სახელმწიფოსი, რომელიც აცხადებს პრეტენზიას, რომ მსოფლიო წესრიგის ჩამოყალიბებაში უნდა მიიღოს მონაწილეობა. ეს არის რუსეთის ფედერაციის სახე - მავთულხლართი და მის უკან მდგომი ასაკოვანი ადამიანი, რომელმაც  თავისი სახლი და მიწა-წყალი არ დატოვა. ეს ისტორიული უსამართლობა აუცილებლად დამთავრდება, მას არ შეეგუება არც საქართველოს მთავრობა, არც მოსახლეობა, მაგრამ ის რაც ხდება ამ მავთულხლართებს იქით, ეს კიდეც ცალკე უბედურებაა, ფაქტობრივად, მთელი ტერიტორია გადაქცეულია ერთ დიდ გარნიზონად", - განაცხადა უშიშროების საბჭოს მდივანმა დავით რაქვიაშილმა.

უშიშროების საბჭოს მდივანმა ასაკოვან კაცში, რომელმაც სახლი და მიწა-წყალი არ დატოვა დავით ვანიშვილი იგულისხმა. დავით ვანიშვილის სახლი რუსეთის საოკუპაციო საჯარისო ნაწილების და ცხინვალის დეფაქტო მთავრობის მიერ ე.წ. „საზღვრის” სადერმაკაციო სამუშაოების შემდეგ ოკუპირებულ ტერიტორიაზე მოექცა. უშიშროების საბჭოს მდივანი დავით ვანიშვილს შეხვდა და მისი მდგომარეობით დაინტერესდა.

დავით ვანიშვილი ცხინვალის სასამართლომ, ე.წ. „საზღვრის“ დარღვევის ბრალდებით 3 000 რუბლით დააჯარიმა. დავით ვანიშვილმა საოკუპაციო ხაზი 2016 წლის 30 ოქტომბერს  საქართველოს საპარლამენტო არჩევნებზე გადმოკვეთა და ხურვალეთის საარჩევნო უბანზე გააკეთა არჩევანი. 

,,დამაჯარიმეს 3 000 რუბლით. მოდიან და მეკითხებიან, რატომ არ გინდათ აქეთ ცხოვრებაო, რაზეც ვპასუხობ, რომ 80 წლის კაცი ვარ და საქართველოში დავიბადე, გავიზარდე და დავბერდი", - ამბობს დავით ვანიშვილი​​.

გორის მუნიციპალიტეტის გამგებლის, დავით ონიაშვილის განცხადებით, ოკუპირებულ ტერიტორიაზე დარჩენილ საქართველოს მოქალაქეებს აიძულებენ ე.წ. სამხრეთ ოსეთის რესპუბლიკის პასპორტების აღებას.

ეროვნული უშიშროების საბჭოს მდივნის სოფელ ხურვალეთში ყოფნას ოკუპირებული ტერიტორიიდან ძალოვანი სტრუქტურის წარმომადგენლები ადევნებდნენ თვალყურს. 


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2017 HRIDC