02:38, Saturday, 29.04.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში პრეზიდენტთან გამართულ შეხვედრებს ადგილობრივი ხელისუფლების წარმომადგენლები არ დაესწრნენ

28.03.2017

 
ლადო ბიჭაშვილი, შიდა ქართლი

24 მარტს, საქართველოს პრეზიდენტმა, გიორგი მარგველაშვილმა გორში ,,კონსტიტუცია ყველასია" კამპანიის პრეზენტაცია გამართა. პრეზიდენტი პოლიტიკური პარტიების ლიდერებთან ერთად, კამპანიის ფარგლებში, გორის უნივერსიტეტის სტუდენტებსა და პროფესორ-მასწავლებლებს შეხვდა.

შეხვედრაზე საუბარი კონსტიტუციაში შესატან ცვლილებებს შეეხო. პრეზიდენტმა სტუდენტების შეკითხვებს უპასუხა და მათი მოსაზრებები მოისმინა: სახელმწიფო მოწყობის მოდელების, პრეზიდენტის პირდაპირი არჩევის წესისა და თვითმმართველობის გაძლიერებასთან დაკავშირებით.

გიორგი მარგველაშვილის განცხადებით, კონსტიტუცია საყოველთაო შეთანხმების დოკუმენტია, სადაც საქართველოს მოქალაქეების აზრი უნდა იყოს გათვალისწინებული. 

,,საქართველოს კონსტიტუცია იწყება სიტყვებით - ,,ჩვენ საქართველოს მოქალაქენი" ... ამის გათვალისწინებით, საყოველთაო თანხმობა უნდა იყოს იმ საკონსტიტუციო ფუნდამენტურ ცვლილებებზე, რასაც განიხილავს კომისია. აზრი უნდა ვკითხოთ ყველა მოქალაქეს, ბუნებრივია, ყველა მათგანის გათვალისწინება ვერ მოხდება, მაგრამ კონსტიტუციის დაწერაში მოქალაქეების ჩართულობა აუცილებელია და ამას ემსახურება ეს კამპანია", - განაცხადა მარგველაშვილმა.

გიორგი მარგველაშვილმა პრეზიდენტის არჩევის წესის ცვლილებასთან დაკავშირებით სტუდენტის დასმულ კითხვასაც უპასუხა.

„საქართველოს დამოუკიდებლობის მიღების პირველივე დღეებიდან, ფაქტობრივად, საზოგადოება აღჭურვილია უფლებით, აირჩიოს პრეზიდენტი. საზოგადოებას კვლავ უნდა ჰქონდეს უფლება პრეზიდენტის არჩევის, ან უნდა განუმარტონ მათ, თუ რატომ ართმევენ ამ უფლებას და რით იქნება მათი ცხოვრება უკეთესი“, - აღნიშნა მარგველაშვილმა.

საქართველოს პრეზიდენტმა,  გიორგი მარგველაშვილმა, კამპანიის ფარგლებში, შეხვედრა  გორის დემოკრატიის ჩართულობის ცენტრში გააგრძელა, სადაც პოლიტიკური პარტიების, არასამთავრობო სექტორისა და საზოგადოების წარმომადგენლებს შეხვდა. შეხვედრა კითხვა-პასუხის რეჟიმით წარიმართა.

პრეზიდენტთან გამართულ არცერთ შეხვედრას არ დასწრებიან ადგილობრივი ხელისუფლების პირველი პირები, ამის მიზეზად კი მოუცლელობა დაასახელეს. 
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2017 HRIDC