14:09, Thursday, 23.11.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი მთავარი პროკურატურის ახალი დეპარტამენტის საქმიანობას შეისწავლის

11.11.2017

 
ადამიანის უფლებათა ცენტრმა დაიწყო ახალი პროექტი, რომლის მიზანია საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის საქმიანობის მონიტორინგი და მისი საქმიანობის გაუმჯობესების ხელშეწყობა. 

სამართალწარმოების პროცესში ჩადენილი დანაშაულის გამოძიების დეპარტამენტი მთავარ პროკურატურაში საქართველოს იუსტიციის მინისტრის 2015 წლის 13 თებერვლის #62 ბრძანებით შეიქმნა.

ადამიანის უფლებათა ცენტრს მთავარი პროკურატურის ახალ დეპარტამენტთან მუშაობის დიდი გამოცდილება აქვს. ადამიანის უფლებათა ცენტრს წარმოებაში აქვს 25 საქმე, რომლებიც პატიმართა წამებას, არაადამიანურ და ღირსების შემლახველ მოპყრობას და იძულებას  ეხება.   მათ შორისაა ყოფილი პოლიტპატიმრების საქმეები, რომელთა გამოძიებაც ახალ დეპარტამენტში წამებისა და არაადამიანური მოპყრობის მუხლით მიმდინარეობს. ორგანიზაციის ადვოკატები მონაწილეობენ დაკითხვებში, რომელიც ახალ დეპარტამენტში იმართება, ასევე, სასამართლო პროცესებზე წარმოადგენენ დაზარალებულების ინტერესებს. 

კვლევის ფარგლებში, ადამიანის უფლებათა ცენტრი ახალი დეპარტამენტის მუშაობას სხვადასხვა მეთოდით შეაფასებს. მონიტორინგი განხორციელდება მთავარი პროკურატურიდან საჯარო ინფორმაციის გამოთხოვით, პროკურორებთან, ადვოკატებთან და მოსამართლეებთან გასაუბრებითა და სასამართლო პროცესების მონიტორინგის გზით. პროექტის მიმდინარეობისას ორგანიზაცია დააკვირდება განაჩენების გადასინჯვის სასამართლო  განხილვებს.  ასევე - აქტიურად ითანამშრომლებს სახალხო დამცველთან და არასამთავრობო ორგანიზაციების კოალიციასთან „დამოუკიდებელი და გამჭვირვალე მართლმსაჯულებისათვის“. 

კვლევის შედეგად გამოვლენილი პრობლემებისა და შემუშავებული რეკომენდაციების ადვოკატირებას ადამიანის უფლებათა ცენტრი და კოალიცია „დამოუკიდებელი და გამჭვირვალე მართლმსაჯულებისათვის“ განახორციელებს საქართველოს პარლამენტთან, მთავრობასთან,  პროკურატურის ორგანოებთან და სხვა სამიზნე ჯგუფებთან.

პროექტი „მთავარი პროკურატურის ახალი დეპარტამენტის საქმიანობის მონიტორინგი“ ფონდ „ღია საზოგადოება - საქართველოს“ მხარდაჭერით განხორციელდება.
 
ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ჩატარდა თუ არა თვითმმართველობის არჩევნები დემოკრატიულად?
კი არა არ მაქვს პასუხი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC