07:51, Thursday, 16.08.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახეთში ვაზის ნერგების ქურდობის ფაქტები გახშირდა

28.04.2018

 
Reginfo.ge

კახეთის სხვადასხვა სოფელში მევენახეებს ახლადჩაყრილ ვაზის ნერგებს მასობრივად პარავენ. 1200 ძირი ნერგი მოპარეს თელავის მუნიციპალიტეტის სოფელ აკურაში მცხოვრებ თამარ მოდებაძეს. დაზარალებულმა ქურდობის შესახებ პოლიციას აცნობა, მაგრამ უშედეგოდ. პოლიციამ გამოძიება ქურდობის მუხლითაც კი არ დაიწყო და საქმე ნივთის დაზიანების მუხლით აღძრა.

თამარ მოდებაძემ ვენახის გაშენება რამდენიმე თვის წინ დაიწყო და აკურაში, ღვინის ქარხნის გვერდით მდებარე ნაკვეთში სულ 1800 ძირი დარგო. ერთი ძირის ღირებულება 1,30 ლარია. სამი კვირის განმავლობაში მოდებაძეებს ჯერ 50 ნერგი მოპარეს, დღეს კი 1200 ძირი დახვდათ წაღებული.

„შემოსავალს და დანაზოგს ამ საქმეში ვდებ. იმ იმედით, რომ ეს ადგილი სოფლის ცენტრშია და ღვინის ქარხნის გვერდით მდებარეობს, რომელსაც დაცვა ჰყავს, გადავწყვიტეთ ვაზის ერთწლიანი ნერგი ჩაგვეყარა. სოფელში ქურდობა ისეა გახშირებული, ერთწლიან ნერგს აღარავინ რგავს“, - ამბობს თამარ მოდებაძე.

მისივე თქმით, ეს სოფელში ვაზის ნერგების ქურდობის პირველი შემთხვევა არ არის. ერთ-ერთ ოჯახს 400 ნერგი მოპარეს, თუმცა სამართალდამცველებს ქურდები ამ დრომდე არ გამოუვლენიათ.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

„რეგინფოს“ ინფორმაციით, ახლადჩაყრილი ვაზის ნერგების ქურდობის არაერთი შემთხვევა მოხდა ბოლო ერთი თვის განმავლობაში ყვარლის და გურჯაანის მუნიციპალიტეტების სოფლებშიც. დაზარალებულების თქმით, მათ უმრავლესობას პოლიციისთვის არ მიუმართავს, რადგან ვინც მიმართა, სამართალდამცავებს არცერთი საქმე არ გაუხსნიათ.

 
ორიგინალი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC