00:12, Monday, 23.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საკადრო ცვლილებები გორის მერიაში

05.09.2019

 
ლადო ბიჭაშვილი, შიდა ქართლი

გორის მერიაში მიმდინარე საკადრო პოლიტიკა მუნიციპალიტეტის მერის, კონსტანტინე თავზარაშვილის ხელწერა რომ არ არის ამას კიდევ ერთი ფაქტი მეტყველებს. მერის მოადგილის თანმდებობიდან ეკატერინე სუხიშვილის წასვლის შემდეგ მერის მოადგილის თანამდებობა ვაკანტური იყო, ამ პერიოდის განმავლობაში, ადგილობრივი მედიის არაერთი მცდელობის მიუხედავად, მუნიციპალიტეტის მერის პასუხი იყო, რომ რამდენიმე კანდიდატის განხილვის პროცესში იყო და არჩევანის გაკეთება უჭირდა.

24 აგვისტოს, რადიო ,,მოზაიკასთან" საუბარში, გორის მერს კონსტანტინე თავზარაშვილს პაატა ივანიშვილის გახსენება ჯერ გაუჭირდა, შემდეგ კი მოადგილედ მისი დანიშვნა გამორიცხა. ამ საუბრიდან 9 დღეში, 2 სექტებერს, გორის მერმა მის მოადგილედ სწორედ პაატა ივანიშვილი დანიშნა. ,,ჩემს მოადგილედ დავნიშნე პაატა ივანიშვილი, ის შევარჩიე თავისი გამოცდილებით, მენეჯერობით და თავისი კაცობით", - განაცხადა კონსტანტინე თავზარაშვილმა.

პაატა ივანიშვილი პირველი კადრი არ არის, ვის გამოც თავზარაშვილი უხერხულ მდგომარეობაში აღმოჩნდა, მას ასევე ინფორმაცია არ ჰქონდა მუნიციპალიტეტის კეთლმოწყობის სააგენტოს ხელმძღვანელის პოსტზე ბაჩანა გვიანიშვილის კანდიდატურის განხილვის შესახებ. ჟურნალისტების კითხვაზე, განიხილებოდა თუ არა ბაჩანა გვინიშვილის კანდიდატურა, თავზარაშვილმა უპასუხა, რომ ამ პიროვნების შესახებ ინფორმაციას არ ფლობდა, თუმცა რამდენიმე დღეში კეთილმოწყობის სააგენტოს ხელმძღვანელად სწორედ ბაჩანა გვიანიშვილი დანიშნა. 

ვინ არის ბაჩანა გვიანიშვილი? - ამ კითხვის პასუხი ნათელს მოჰფენს თუ ვისი ხელწერაა გორის მუნიციპალიტეტის მერიაში მიმდინარე საკადრო პოლიტიკა. ბაჩანა გვიანიშვილი შიდა ქართლის გუბერნატორის, გიგი ხოჯევანიშვილის კურსელი და მეგობარია. სწორედ მხარის გუბერნატორის თვითმმართველობის ფუნქციებში ჩარევით ხსნიან გორის მერიაში საკადრო პოლიტიკას. ამას ისიც ემატება, რომ მერის კიდევ ერთი მოადგილე ერასტი ელიჯარაშვილი მხარის გუბერნატორის მეგობარია.

,,ყველა მნიშვნელოვან გადაწყვეტილებას იღებს გუბერნატორი, მერი არის უბრალოდ ბეჭდის დამრტყმელი და ხელმომწერი. მას მეტი ფუნქცია აღარ აქვს", - აცხადებს ,,ერთიანი ნაციონალური მოძრაობიდან საკრებულოს წევრი ბექა ქორჩილავა.

კონსტანტინე თავზარაშვილი პაატა ივანიშვილთან ერთად 3 სექტემბერს ტყვიავში იმყოფებოდა, სადაც სოციალურად დაუცველ გიგუაშვილების 6- სულიან ოჯახს ხის კოტეჯი გადასცეს. ტყვიავში გორის მერი და მისი მოადგილე  მედიისგან ფარულად წავიდნენ და ასე აიცილა მერმა თავიდან მისთვის არასასურველ კითხვებზე პასუხი. რაც შეეხება მერის ახალ მოადგილე პაატა ივანიშვილს, ის ბოლო რამდენიმე წლის განმავლობაში შპს „საქართველოს გაერთიანებული წყალმომარაგების კომპანიაში" შიდა ქართლის რეგიონული ფილიალის გორის სერვისს ცენტრის მენეჯერად მუშაობდა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC