სამოქალაქო აქტივიზმისა და ადვოკატირების ტრენინგი

2020წ. სექტემბრის ბოლო - ოქტომბრის დასაწყისი (TBC)

სტამბოლი, თურქეთი

„სამოქალაქო აქტივიზმისა და ადვოკატირების ტრენინგი“

პროგრამის აღწერილობა

სტამბოლი, თურქეთი

„სამოქალაქო აქტივიზმისა და ადვოკატირების ტრენინგი“ წარმოადგენს 3-დღიან საგანმანათლებლო პროგრამას, რომლის მიზანიცაა ქართველ, აფხაზ და ოს მონაწილეებში ხელი შევუწყოთ სამოქალაქო აქტივიზმსა და ადვოკატირებასთან დაკავშირებული კომპეტენციების (ცოდნის, უნარებისა და დამოკიდებულებების) განმტკიცება-განვითარებას.

ტრენინგის გავლის შედეგად მონაწილენი:

• გააანალიზებენ გუნდის რაობას, მისი განვითარების სტადიებსა და შესაბამის სირთულეებს;
• სიღრმისეულად გაიაზრებენ დემოკრატიის არსს და სახელმწიფოში სამოქალაქო საზოგადოების როლს;
• გაიაზრებენ სამოქალაქო პასუხისმგებლობასა და ინიციატივასთან დაკავშირებულ საკითხებს და აქტიური მოქალაქის მიერ გასავლელ გზას;
• განიხილავენ სამოქალაქო აქტივისტისთვის საჭირო კომპეტენციებს და აქედან გამომდინარე მოახდენენ საკუთარ თვითშფასებას.
• გაიაზრებენ სახელმწიფოს მისიას და მის ხელშემწყობ თუ ხელშემშლელ გარემოებებს;
• ჩაუღრმავდებიან ტოტალიტარიზმიდან დემოკრატიისკენ გარდამავალ პერიოდში არსებულ სირთულეებს;
• მიიღებენ ინფორმაციას სამოქალაქო ჩართულობის სფეროებისა და საფეხურების შესახებ და გაიაზრებენ ამ პროცესში არსებულ სირთულეებსა თუ გამოწვევებს;
• გააანალიზებენ ადვოკატირების რაობას, მიზნებსა და ამოცანებს;
• გაეცნობიან ადვოკატირების ფორმებს და ადვოკატირების პორტფოლიოს წარმატებულ ნიმუშებს.

მონაწილეები:

აფხაზი, ოსი და ქართველი ახალგაზრდები

სამუშაო ენა: ინგლისური და რუსული

დაინტერესებულმა აპლიკანტებმა CV და სამოტივაციო წერილი გამოაგზავნეთ ინგლისურ ან რუსულ ენაზე ელექტრონულ მისამართზე: <112>ninotlashadze@gmail.com 2020 წლის 4 სექტემბრის 18 საათამდე. 

პროექტი ხორციელდება გერმანიის საგარეო საქმეთა სამინისტროს მიერ დაფინანსებული პროგრამის ifa (Institut für Auslandsbeziehungen), Funding programme zivik –ის მხარდაჭერით.