08:56, Monday, 30.11.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სურამში მომხდარი მკვლელობის საქმის ახალი დეტალები

23.10.2020

 
შიდა ქართლისა და მცხეთა-მთიანეთის საოლქო პროკურატურამ სრულად გაიზიარა ადამიანის უფლებათა ცენტრის მოთხოვნა და სურამში, მეუღლის მკვლელობაში ბრალდებულ ი.ქ.-ს ბრალი წარუდგინა როგორც გენდერული მოტივით, ისე განსაკუთრებული სისასტიკით ჩადენილ მკვლელობაში. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. 

2020 წლის 6 ივლისს, სურამში ქმარმა, იარაღით, რამდენიმე ცეცხლნასროლი ჭრილობა მიაყენა მეუღლეს, სამი შვილის დედას, თ.რ.-ს, რომელიც ადგილზე გარდაიცვალა. სისხლის სამართლის საქმეს შსს შიდა ქართლის პოლიციის დეპარტამენტი აწარმოებს. საქმის გამოძიება დაიწყო ოჯახის წევრის განზრახ მკვლელობის ბრალდებით. 

ადამიანის უფლებათა ცენტრმა, საქმეში ჩართვის შემდეგ, შიდა ქართლისა და მცხეთა-მთიანეთის საოლქო პროკურატურისაგან ი.ქ.-სათვის დამატებითი ბრალის წარდგენა მოითხოვა გენდერული ნიშნით ჩადენილი განზრახ მკვლელობისათვის. ასევე, მოთხოვნილი იქნა განსაკუთრებული სისასტიკით ჩადენილი განზრახ მკვლელობის მიმართულებით გამოძიების წარმართვა. 

მას შემედეგ, რაც ფსიქიატრიული ექსპერტიზის დასკვნის მიხედვით, ბრალდებულს დაუდგინდა შეზღუდული შერაცხადობა დანაშაულის ჩადენის მომენტში, პროკურატურამ დაზარალებულის უფლებადამცველს აცნობა, რომ პროკურატურა სრულად იზიარებს ცენტრის  მოთხოვნას და მიმდინარე წლის 21 ოქტომბერს ბრალდებულ ი.ქ.-ს სასჯელაღსრულების დაწესებულებაშივე წარედგინა დაზუსტებული ბრალი, როგორც გენდერული მოტივით ჩადენილი მკვლელობის, ისე განსაკუთრებული სისასტიკით ჩადენილი მკვლელობის კვალიფიკაციით.

გარდაცვლილი თ. რ.-ს დედის, დაზარალებული მ.რ.-ის,  ინტერესებს, ადამიანის უფლებათა ცენტრი იცავს.


ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC