ტელეკომპანია „კავკასიის“ ხელმძღვანელობა ხელისუფლებას დევნაში ადანაშაულებს
„საქართველოს ხელისუფლებას გადაწყვეტილი აქვს ტელეკომპანია „კავკასიის“ დახურვა. ამისათვის კი ფინანსურ მოტივაციასა და საქტელერადიოს იყენებს“,-აცხადებს „კავკასიის“ გენერალური დირექტორი ნინო ჯანგირაშვილი.
მისი თქმით, ივლისის თვის მიწურულს იუსტიციის სამინისტროს სააღსრულებო დეპარტამენტის თბილისის ბიურო ტელეკომპანიის დაყადაღებას შეეცადა, თუმცა მაშინ „კავკასიის“ დოკუმენტაციები წესრიგში აღმოჩნდა და აღსრულებაც ვეღარ მოხერხდა.
„ამჯერად ტელეკომპანიას დაუპირისპირდა საქტელერადიოცენტრი, რომლის წინაშეც „კავაკასიის“ მიმდინარე წლის გადასახადი ოცი ათასი ლარის ფარგლებში აქვს, თუმცა მსგავსი დავალიანება თითქმის ყველა ტელეკომპანიას მართებს, ვინაიდან ხელშეკრულების თანახმად, ტელეკომპანიას დავალიანების დაფარვა წლის ბოლომდეც შეუძლია“.-აცხადებს ჯანგირაშვილი.
მისივე თქმით, 12 აგვისტოს „კავკასიამ“ გამაფრთხილებელი განცხადება უკვე საქტელერადიოცენტრიდან მიიღო, რომელიც დავალიანების გადაუხდელობის შემთხვევაში 16 აგვისტოდან მაუწყებლობის შეწყვეტას მოითხოვდა. ეს არის ხელისუფლების მხრიდან მორიგი პოლიტიკური დაკვეთა, რომელიც დამოუკიდებელი მედიის წინააღმდეგ არის მიმართული.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
