საზოგადოებრივი ტელევიზია გაზაფხულიდან ამოქმედდება
თბილისი.26.12.04.მედია-ნიუსი. პრეზიდენტ მიხეილ სააკაშვილს მაუწყებლობის შესახებ კანონისთვის ხელი ჯერ არ მოუწერია.
მაუწყებლობის შესახებ კანონი, რომელიც საქართველოს პარლამენტმა რიგგარეშე სესიაზე მესამე მოსმენით რამდენიმე დღის წინათ მიიღო, სახელმწიფო არხის საზოგადოებრივ ტელევიზიად გარდაქმნას ითვალისწინება.
თუმცა როგორც მაუწყებლობის შესახებ კანონის ერთ-ერთმა ინიციატორმა გიგა ბოკერიამ აღნიშნა, საზოგადოებრივი ტელევიზია სავარაუდოდ, გაზაფხულიდნ დაიწყებს მუშაობას. მანამდე კი გიგა ბოკერიას განცხადებით, უნდა ჩამოყალიბდეს სამეურვეო საბჭო, რომელიც საზოგადოებრივი ტელევიზიის მუშაობის პრინციპებს განსაზღვრავს.
ცნობისთვის: საქტელერადიომაუწყებლობის პირველი არხი უკვე რამდენიმე დღეა განახლებული ფორმატით მუშაობს. მაუწყებლობის ფორმატის შეცვლა თავად საქტელერადიომაუწყებლობის თავმჯდომარის ზაზა შენგელიას ინიციატივა იყო. ამასთან, სახელმწიფო ტელევიზიაში საზოგადოებრივი მონიტორინგის კომისიის წევრები არ გამორიცხავენ, რომ ცვლილებების მიუხედავად, გაზაფხულისთვის კვლავ შეიცვალოს გადაცემები და კოლექტივიც.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
