სახალხო დამცველმა პატიმრები მოინახულა
თბილისი.02.03.06.მედიანიუსი. დღეს თბილისის #7 საპყრობილესთან მსჯავრდებულთა ოჯახის წევრები და ახლობლები შეიკრიბნენ და პატიმრებთან შეხვედრა მოითხოვეს. მათი თქმით, საპყრობილეში მსჯავრდებულები სასტიკად ნაცემები არიან.
დღესვე საპყრობილეში პატიმრები სახალხო დამცველმა სოზარ სუბარმა მოინახულა. მისი თქმით, პატიმრები მომხდარზე კონკრეტულ საუბარს თავს არიდებენ. “რვა პატიმარი აცხადებს‚ რომ ნაცემია. ერთ-ორს ეტყობა მცირე დაზიანება სახეზე. თვითონ ლაპარაკობენ ზოგად პრობლემებზე‚ ხოლო რა მოხდა გუშინ ან გუშინწინ, ამაზე არ საუბრობენ‚” _ აცხადებს სოზარ სუბარი.