პატიმართა პროტესტი ზუგდიდის საპყრობილეში
12 აგვისტოს სასჯელაღსრულების დეპარტამენტის ზუგდიდის #4 საპყრობილიდან 2 პატიმარი სასწრაფოდ გადაიყვანეს რაიონულ საავადმყოფოში. როგორც გაირკვა კახა ბერიშვილმა და ზაზა წულაიამ პროტესტის განსაკუთრებულ ფორმას მიმართეს. მათ გადაყლაპეს რაღაც კუსტარულად დამზადებული რკინის ბასრი საგნები .საავადმყოფოში ორივეს გაუკეთდა გადაუდებელი ოპერაცია. ექიმების განცხადებით პაციენტების მდგომარეობა რთულია, მაგრამ საიმედო. ბერიშვილსა და წულაიას ზუგდიდის რაიონულმა სასამართლომ 2 თვიანი წინასწარი პატიმრობა შეუფარდა. მათ ბრალი ედებათ ნარკოტიკული საშუალებების შენახვა რეალიზაციაში. დაკავებულთა ადვოკატები ამ ეტაპზე კომენტარისაგან თავს იკავებენ.