სტატია

აირჩიეთ წელი

აირჩიეთ თვე

დაგვიანებული კომპრომისები, ანუ რაჭველი პალესტინელები

12 თებერვალი, 2010

მას შემდეგ, რაც არაბები ტერიტორიის გაყოფის შეთავაზებულ პირობებზე ვერ დაითანხმეს, ისრაელის საგარეო საქმეთა მინისტრმა აბა ებანმა თქვა: „არაბები არასოდეს უშვებენ შანსს, რომ შანსი გაუშვან ხელიდან“. თავდაპირველად პალესტინელებს სადაო მიწის 60 პროცენტს სთავაზობდნენ. ვინაიდან არაბებს „ერთი სტადიონი“ ებრაელებისთვის მიწის 40 პროცენტის გადაცემა ებევრათ, პირობას არ დათანხმდნენ -აჯანყდნენ, იომეს და 1948 წელს უკვე დამოუკიდებელმა ისრაელმა დამარცხებულებს გაეროს გეგმით სადაო ტერიტორიის 44 პროცენტიღა შესთავაზა, რაზეც მოდავე მხარე ასევე არ დათანხმდა. ისრაელი ნაურუმაც აღიარა. იმავე წელს ისრაელმა არაბული ქვეყნების კოალიცია დაამარცხა და ტერიტორიის 78 პროცენტს დაეუფლა, ხოლო 1967 წლის „ექვსდღიანი ომის" შემდეგ მთელი ტერიტორიის 84 პროცენტს. თავდაპირველად შეთავაზებული 60 პროცენტიდან არაბებს თექვსმეტიღა შემორჩათ.

შრომისუუნარო „ფეროელები“ კუთვნილი დავალიანების დაფარვას მოითხოვენ.

11 თებერვალი, 2010

ზესტაფონის ფეროშენადნობთა ქარხნის ყოფილი თანამშრომლები რამდენიმე წელია, კუთვნილ ანაზღაურებას ელიან. მათი ჯანმრთელობა მძიმე და მავნეპირობებიანი სამუშაოების შესრულებას შეეწირა, რის გამოც ყოველთვიური სარჩო ჰქონდათ დანიშნული. სს „ფეროს“ გაკოტრების შემდეგ წლობით დაგროვებულმა დავალიანებამ რამდენიმე ათას ლარს მიაღწია. თხოვნის, მოთხოვნის თუ საპროტესტო აქციების მიუხედავად, დავალიანება ჯერ კიდევ გადაუხდელია.

ახალგორელმა დევნილებმა სამინისტროსთან კიდევ ერთი აქცია გამართეს

10 თებერვალი, 2010

9 თებერვალს ახალგორელმა დევნილებმა უკვე მესამედ გამართეს საპროტესტო აქცია ლტოლვილთა და განსახლების სამინისტროსთან. როგორც ისინი აცხადებენ, წელიწადნახევარია, კუთვნილ კომპენსაციას ამაოდ ითხოვენ. მათი თქმით, უკომპენსაციო და უკოტეჯო დევნილთა რიცხვი 1 700-ს აღწევს.

საკაბელო ტელევიზიებს კომუნიკაციების მარეგულირებელმა კომისიამ რუსული „ევრონიუსისა“ და სომხური არხის გათიშვა მოსთხოვა

10 თებერვალი, 2010

„კომუნიკაციების მარეგულირებელი კომისია საკაბელო კომპანიებს რუსულენოვანი და სომხური არხების ამოღების რეკომენდაციით მიმართავს. საუბარი რუსულენოვან „ევრონიუსზე“, რამდენიმე რუსულ მუსიკალურ არხზე და ერთ-ერთი სომხურ ტელევიზიაზეა“, - წერს გაზეთი „რეზონანსი“ სტატიაში სათაურით „რუსული „ევრონიუსისა“ და სომხური არხის გათიშვას მოითხოვენ , კომუნიკაციების კომისია საკაბელოებს „თამაშის ახალ წესებს“ სთავაზობს“.

ჟურნალისტი ვახტანგ კომახიძე შვეიცარიას პოლიტიკურ თავშესაფარს სთხოვს

10 თებერვალი, 2010

სტუდია „რეპორტიორის“ ხელმძღვანელი, ჟურნალისტი ვახტანგ კომახიძე შვეიცარიის ხელისუფლებას პოლიტიკურ თავშესაფარს სთხოვს. სპეციალურად, „პრესა.გე“-ს მან ინტერნეტის საშუალებით წერილი გამოუგზავნა, რომელშიც თავად საუბრობს იმ პრობლემებზე, რის გამოც პოლიტიკურ თავშესაფარს ითხოვს.

დამლაგებელი აცხადებს, რომ შრომის მასწავლებელი ნაჯახით თავს უჩეხავდა

9 თებერვალი, 2010

ზესტაფონის რაიონის სოფელ ქვედა საქარის საჯარო სკოლის მასწავლებელი, ზაალ ჭიჭინაძე რამდენიმე თვეა, სკოლაში თანამდებობაზე აღდგენას ცდილობს. იგი აცხადებს, რომ სკოლის დირექტორმა უსაფუძვლოდ გაათავისუფლა. თუმცა, პედაგოგიური კოლექტივი ჭიჭინაძის სკოლაში დაბრუნების კატეგორიული წინააღმდეგია. მის წინააღმდეგ ჩვენებას აძლევს სკოლის დამლაგებელიც: „ზაალ ჭიჭინაძე საშინელი ლანძღვა-გინებით შემომივარდა ოთახში ნაჯახშემართული, ისეთი შეშლილი სახე ჰქონდა, გამჩეხდა, რომ არ გავცლოდი. ამის შემდეგ ჯავრი ფორტეპიანოზე იყარა და იგი იატაკის ლურსმნებით ჩაჭედა“.

ევროსასამართლომ სცნო რეპრესირებულთა უფლება, საქართველოს სახელმწიფოსგან მიიღონ კომპენსაცია

9 თებერვალი, 2010

სტრასბურგის ადამიანის უფლებათა სასამართლოს გადაწყვეტილებით, საქართველომ კანონში ცვლილებები უნდა შეიტანოს, რომელიც 1997 წლიდან აიღო ვალდებულებად. საქმე 1937 წელს სტალინური რეპრესიების მსხვერპლ მოქალაქეებს ეხება და ფაქტობრივად, პრეცედენტულია. ევროსასამართლომ საქმეში „კილაძეები საქართველოს წინააღმდეგ“ გადაწყვეტილება საქართველოს წინააღმდეგ გამოიტანა და საქართველოს სახელმწიფოს დაზარალებულისადმი კომპენსაციის გადახდა დააკისრა. ეს კი ნიშნავს, რომ კილაძეების მსგავსად, სახელმწიფოსადმი პრეტენზიის კანონიერი საფუძველი სხვა რეპრესირებულებსაც აქვთ.

რა საფრთხე ემუქრება მასწავლებლებს სერტიფიცირების დროს

9 თებერვალი, 2010

განათლებისა და მეცნიერების მინისტრმა ნიკა გვარამიამ თანამდებობიდან გადადგომისა და საზღვარგარეთ „განათლების მისაღებად“ წასვლამდე, 2009 წლის 4 დეკემბერს გამოსცა #1101 ბრძანება „მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“. საქართველოს პედაგოგთა და მეცნიერთა თავისუფალი პროფკავშირების ხელმძღვანელის, მანანა ღურჭუმელიძის განცხადებით, მინისტრის ბრძანება მასწავლებლების უფლებებს არღვევს.

ოპოზიციამ აშშ-სგან დაპირებები მიიღო

8 თებერვალი, 2010

ვენეციის კომისიის თავმჯდომარის, ჯანი ბუკიკიოსა და მისი გუნდის ვიზიტის შემდეგ საქართველოს მაღალი რანგის სტუმრები ამერიკის შეერთებული შტატებიდან ეწვივნენ. 5 თებერვალს აშშ-ის სახელმწიფო მდივნის მოადგილე ჯეიმს სტეინბერგმა და ევროპისა და ევრაზიის საკითხებში სახელმწიფო მდივნის თანაშემწე ფილიპ გორდონმა რამდენიმესაათიანი ვიზიტის ფარგლებში საკმაოდ დიდი დრო დაუთმეს ოპოზიციასთან შეხვედრას. ოპოზიცია შეხვედრით კმაყოფილია და მიაჩნია, რომ ასეთი ყურადღება შემთხვევითი არ არის.

აშშ-ის დაზვერვის პროგნოზი: „2010 წელს ევროკავშირისათვის მთავარი საფრთხე სამხრეთ კავკასიაში სისხლისღვრა იქნება“

8 თებერვალი, 2010

წინა კვირაში ამერიკის შეერთებული შტატების ორმა მაღალჩინოსანმა, საქართველოსთან დაკავშირებით, სხვადასხვა დროს და სხვადასხვა თემაზე საინტერესო შეფასებები გამოთქვეს. აშშ-ის დაზვერვის დირექტორი აცხადებს, რომ საქართველო ევროპას საფრთხეს უქმნის. ხოლო აშშ-ის სახელმწიფო მდივნის თანაშემწის, ფილიპ კროულის თქმით, ამერიკის რაკეტსაწინააღმდეგო თავდაცვის ელემენტები შავი ზღვის აკვატორიაშიც უნდა განთავსდეს.

მერიიდან დათხოვნილმა თანამშრომელმა სამართალი მაინც ვერ იპოვა

5 თებერვალი, 2010

ქუთაისის მერიის საფინანსო სამსახურის ყოფილი თანამშრომლის სვეტლანა ზაქარაშვილის საქმემ თითქმის ყველა ინსტანციის სასამართლო მოიარა. 2008 წლის 20 მაისს უზენაესმა სასამართლომ გადაწყვეტილება მიიღო, გაუქმებულიყო ქუთაისის სააპელაციო სასამართლოს განჩინება და საქმე ხელახალი განხილვისთვის იმავე სასამართლოს დაბრუნებოდა.

კიდევ ერთი მშენებლობა „ნაციონალური“ ხელწერით

4 თებერვალი, 2010

საგაზაფხულოდ ბათუმში 29 მლნ ლარის ღირებულების ე.წ. კოშკი გაიხსნება. გრანდიოზულ მშენებლობას მის გვერდით მცხოვრები ოჯახები აპროტესტებენ. კოშკსა და მათ სახლებს შორის მხოლოდ სანტიმეტრებია დატოვებული, რაც მათ ცხოვრებისეულ პირობებს უზღუდავთ. ბათუმის არქიტექტურულ სამსახურში კი აცხადებენ, რომ კანონდარღვევა არ არსებობს.

ვენეციის კომისიამ ხელისუფლებას ყური აუწია

4 თებერვალი, 2010

ვენეციის კომისია საქართველოს ხელისუფლებას მნიშვნელოვანი საკონსტიტუციო ცვლილებების დროული განხორციელებისკენ მოუწოდებს. ვენეციის კომისიის თავმჯდომარის, ჯანი ბუკიკიოს აზრით, აუცილებელია, საქართველოს სახელისუფლებო შტოებს შორის ბალანსი დროულად აღდგეს, საქართველოს პრეზიდენტს უფლებები შეეზღუდოს, პარლამენტს პირიქით - გაეზარდოს და ამავდროულად, ქვეყანამ ნორმალური სასამართლო ხელისუფლება მიიღოს.

სახალხო დამცველს გორის გამგეობის მუშაობა არ მოსწონს

4 თებერვალი, 2010

სახალხო დამცველი გიორგი ტუღუში დარწმუნდა, რომ გორის მუნიციპალიტეტის გამგეობაში შექმნილი ეკონომიკისა და ინფრასტრუქტურის სპეციალური კომისიები მოქალაქეთა განცხადებებს ადმინისტრაციული კოდექსის ნორმების დარღვევით იხილავენ.

რატომ შეურაცხყოფენ ჟურნალისტებს?

3 თებერვალი, 2010

ბოლო ერთი თვის განმავლობაში რეგიონებში ჟურნალისტებზე ზეწოლის ორი ფაქტი გახმაურდა. შიდა ქართლში, სამხარეო ადმინისტრაციის შენობაში, კიბიდან დააგორეს გაზეთ ”ქართლის ხმის” რედაქტორი საბა წიწიკაშვილი, კახეთში შეურაცხყოფა მიაყენეს რადიო ”ჰერეთის” კორესპონდენტს მადონა ბატიაშვილი. მსგავსი ზეწოლის ობიექტი რეგიონალური მედიის არაერთი წარმომადგენელი გამხდარა. ამ საკითხს არაერთი გადაცემა მიეძღვნა. უფლედამცველები ხშირად მიმართავენ საერთაშორისო ორგანიზაციებს რეაგირებისათვის, მაგრამ რეგიონებში ადგილობრივი ჩინოვნიკების მხრიდან ჟურნალისტების მიმართ მუქარა თუ სხვა სახის ზეწოლა მაინც ხშირია.

ბეჭდურ მედიაში გვხვდება ქსენოფობიური და დისკრიმინაციული გამონათქვამები

1 თებერვალი, 2010

მედიის განვითარების ფონდმა მედიის ეთნიკური და რელიგიური უმცირესობების საკითხების გაშუქების მონიტორინგის შედეგები გამოაქვეყნა. კვლევის საფუძველზე ფონდი ასკვნის, რომ სამაუწყებლო მედიასთან შედარებით, ბეჭდურ მედიაში უფრო ხშირად გვხვდება ქსენოფობიური თუ დისკრიმინაციული გამონათქვამები, სადაც გამოხატულია პირადი ნეგატიური მოსაზრებები, შეფასებები და დამოკიდებულება.

მაჰმადიანი მესხები ხელისუფლებას მხოლოდ საარჩევნოდ ახსენდება

29 იანვარი, 2010

დაბა ნასაკირალი ოზურგეთის მუნიციპალიტეტის 29 ტერიტორიული ერთეულიდან ერთადერთია, სადაც უკრაინელი, რუსი, სომეხი, აზერბაიჯანელი, ქურთი, ბელორუსი, ესტონელი, პოლონელი, თურქი, ლატვიელი, ჩინელი და ქართველი ეროვნების მოქალაქეები კეთილმეზობლურად ცხოვრობენ. „ადამიანის უფლებათა ცენტრი“ მაჰმადიანი მესხების ყოფით დაინტერესდა. მათი დასახლება ნასაკირალიდან 3 კილომეტრშია, მაგრამ ტერიტორიულად დაბას ეკუთვნის. „არჩევნებში მხარს ყოველთვის „ნაციონალურ მოძრაობას“ ვუჭერთ, მაგრამ რასაც დაგვპირდნენ, არასოდეს არაფერი შეუსრულებიათ“, - გვითხრეს მესხებმა.

ხათუნა ჩარაევა - შსს-ს კიდევ ერთი ოსი ტყვე

29 იანვარი, 2010

ახალგაზრდა იურისტთა ასოციაცია შინაგან საქმეთა სამინისტროს სასამართლოში უჩივლებს. შსს-მ ასოციაციას ახალგორელი ხათუნა ჩარაევას მიმართ აღძრული საქმე არ გადასცა. როგორც საია-ს იურისტმა ნინო ხაინდრავამ გვითხრა, უკვე თვეზე მეტია, შსს-სგან პატიმრის საქმეს ამაოდ ითხოვს. პატიმრის მდგომარეობის შესახებ მისი ნათესავები არანაირ ინფორმაციას არ ფლობენ. დაკავების დღიდან ხათუნა ჩარაევა, ფაქტობრივად, გაუჩინარდა.

ტელერადიო კომპანია „თრიალეთს“ გორის საგადასახადო სამსახურის უფროსი ატერორებს

29 იანვარი, 2010

ტელერადიო კოპანია „თრიალეთი“ გორის საგადასახადო სამსახურის ხელმძღვანელის, ლევან წითელაშვილის მიმართ საქმის აღძვრას მოითხოვს. საგადასახადოს ხელმძღვანელი ლევან წითელაშვილი, ხალხის პრობლემების გაშუქების გამო, მისთვის არასასურველ ყოველ სიუჟეტზე, ტელეკომპანია „თრიალეთის“ მიმართ სადამსჯელო ღონისძიებებს ახორციელებს.

სკოლის დირექტორებს ჟურნალისტებთან კომენტარის გაკეთება აეკრძალათ

29 იანვარი, 2010

საჯარო სკოლების დირექტორებს განათლების სამინისტროს პრესცენტრთან შეუთანხმებლად ჟურნალისტებთან კომენტარის გაკეთება აეკრძალათ. განათლებისა და მეცნიერების მინისტრმა დიმიტრი შაშკინმა, 21 იანვარს, საზოგადოებრივი ტელევიზიის გადაცემაში „დიალოგი დავით პაიჭაძესთან“ განაცხადა, რომ მისი განკარგულებით, სკოლის დირექტორებმა, ჟურნალისტებისთვის ინტერვიუს მიცემის ან ინფორმაციის მიწოდების შესახებ განათლების სამინისტროს პრესცენტრს წინასწარ უნდა შეატყობინონ.