პორტალი ადამიანის უფლებების შესახებ

შსს-ს მცხეთის რაიონულმა სამმართველომ გამოძიება დაიწყო გაზეთ „რეზონანსის“ და მცხეთა - მთიანეთის საინფორმაციო ცენტრის კორესპონდენტზე მარი ოთარაშვილზე ზეწოლის ფაქტზე. ჟურნალისტის დაკითხვას ადამიანის უფლებათა ცენტრის იურიდიული სამსახურის უფროსი, ნინო ანდრიაშვილი დაესწრო. საქმე სსკ-ის 151-ე მუხლით არის აღძრული (მუქარა).

კონტროლის პალატის პარტიების ფინანსური მონიტორინგის სამსახურის მიერ მარტში „ქართული ოცნების“ მხარდამჭერთათვის ახსნა-განმარტებების ჩამორთმევის პროცესის შესწავლის შედეგად არაერთი უფლებადარღვევის ფაქტი გამოვლინდა. ამის შესახებ ნათქვამია სახალხო დამცველის, გიორგი ტუღუშის მიერ 1 მაისს გავრცელებულ განცხადებაში.

არასამთავრობო და საერთაშორისო ორგანიზაციები ჰააგის სისხლის სამართლის საერთაშორისო სასამართლოს  პროკურორს პეტიციით მიმართავენ და 2008 წლის აგვისტოს ომის დროს დაზარალებულთა საქმეების გამოძიებას და დამნაშავეთა დასჯას სთხოვენ.

სააპელაციო სასამართლომ 24 აპრილის სხდომაზე არ დააკმაყოფილა ტერაქტების საქმეში მსჯავრდებული ერთ–ერთი მთავარი ფიგურის მერაბ ყოლბაიას, მეტსახელად „კოჭოიას“, თხოვნა ხელახალ დაკითხვაზე, რა დროსაც მას გამოძიების დროს მიცემული აღიარებითი ჩვენების შეცვლა სურდა.

„ელიტ ელექტრონიქსს“ ახალი მფლობელები ჰყავს. როგორც „ინტერპრესნიუსს“ „ელიტ ელექტრონიქსიდან“ აცნობეს, კომპანია შეისყიდა „ბრიმაგის“ ჯგუფმა, რომელსაც ამ ჯგუფის სამეთვალყურეო საბჭოს თავმჯდომარე შაულ სილბერშტენი წარმოადგენს. „ბრიმაგის“ მფლობელობაშია ევროპისა და ისრაელის ბაზარზე ელექტროტექნიკის წარმოებისა და გაყიდვების ერთ-ერთი უმსხვილესი ქსელი, რომელიც 400-ზე მეტ მაღაზიას ითვლის.

„ელიტ ელექტრონიქსის“ დამფუძნებლის, ამჟამად პატიმრობაში მყოფი ბიზნესმენის ანზორ ქოქოლაძის სასამართლო პროცესი ბრალდების მხარის მოუმზადებლობის გამო 1 მაისისთვის გადაიდო.

საქართველოს ტერიტორიაზე ტერაქტების განხორციელებაში მსჯავრდებულების ადვოკატები სააპელაციო სასამართლო პროცესებზე მათი დაცვის ქვეშ მყოფების ბადრაგირების პრობლემას პატიმრების მიერ ჩვენებების შეცვლას უკავშირებენ.

აფხაზეთიდან დევნილი ბადრი ტაბიძის გაურკვეველ ვითარებაში გარდაცვალების შესახებ მისი დაკრძალვის დღეს, 4 მარტს, სათაურით „გაუხსნელი საქმე და მკვლელობაში ეჭვმიტანილი პოლიციელები“ presage.tv უკვე წერდა. მაშინ, ჯერ კიდევ უცნობი იყო ის დეტალები, რომელიც ჭირისუფალს 24 წლის ბიჭის საფლავამდე მიტანისას გადახდა.